قال المثل من يجهل الصقر يشويه
ومن عرف قدر الأسد ما يصيده
من داس في رجله على النار تكويه
يتحمل اوجاع الجروح الصديده
وإنسان ما يقطع به العيش ما ابيه
لو كان أقرب شخص لي ما أريده
و الصاحب الي ما يغير مباديه
باعطيه من فيض احترامي وازيده
و الي مرض بالذل ما حد يداويه
لان الهلع و الخوف داخل وريده
من كان يعرف قيمتك لا تعاديه
اوقف معه وقت الظروف الشديده
وانسان صاحب مصلحه لا تخاويه
حتى ولو يحلف بسوره مجيده
الصاحب الوافي يجي وقت تدعيه
ما تحجبه عنك مسافه بعيده
و الورد يتقطف على يد ساقيه
لا اغراه محبوبه بجمله مفيده
كثر الثقه بالشخص أحيان تعميه
لو شاف نفسه مفتخر في رصيده
احذرعدوك وان طلب عفو فاعفيه
هذه من اخلاق العقول الرشيده
وانسان ابو و جهين لما تلاقيه
قله تعرفنا و فرصه سعيده
ليست هناك تعليقات