اﻟﻤﺸﻴﺨﻪ ﻣﺎﻫﻲ ﺑﻜﺜﺮ اﻟﻤﻈﺎﻫر
أو ﺑﺎﻟﻘﺮوش اﻟﺰاﻳﺪه واﻟﺘﺠﺎره
أو ﺑﺎلأراﺿﻲ واﻟﻔﻠﻞ واﻟﻌﻤﺎﻳﺮ
أو ﺑﺎﻟﺠﻨﺎﺑﻲ واﻟﻄﻘﻮم اﻟﻐﻤﺎره
أو ﺑﺎﻟﻤﺠﺎﻟﺲ ذي ﻟﻬﺎ ﻓﺮش ﻓﺎﺧﺮ
أو ﺑﺎﻟﻤﻔﺎرج واﻟﻨﻘﻮش اﻟﻨﺠﺎره
أو ﺑﺎﻟﺒﻨﺎدق واﻟﺠﻌﺐ واﻟﺨﻨﺎﺟﺮ
أو ﺑﺎﻟﻌﻔﺎﻃﻪ والنبأ واﻟﺒﺸﺎره
اﻟﻤﺸﻴﺨﻪ ﻣﻴﺮاث ﺑﺎﻃﻦ وﻇﺎﻫﺮ
اﻟﺸﻴﺦ رﺑﻌﻪ واﻟﻘﺒﺎﻳﻞ ضماره
اﻟﺸﻴﺦ ذي ﻳﻮﻗﻒ ﺑﻜﻞ اﻟﻤﺤﺎﺿﺮ
ﻣﻊ رﺟﺎﻟﻪ ﺑﺎﻟﺮخاء واﻟﻤﻜﺎره
اﻟﺸﻴﺦ هو ذي لقومه ﻳﺸﺎور
والقبيلة عنده ملان الغراره
اﻟﺸﻴﺦ ذي ﻳﻌﺮف ﺟﻤﻴﻊ اﻟﻤﺤﺎور
والكل يسمع لا بدأ في حواره
اﻟﺸﻴﺦ ذي ﻟﻠﻌﺮف ﻋﺎرف وﻗﺎدر
ما ينطق إلا حكم بعد إستشاره
اﻟﺸﻴﺦ ذي ﻳﺴﻤﻊ ﻟﻌﺎﻗﻞ وﻗﺎﺻﺮ
وينصف المظلوم حتى إنتصاره
اﻟﺸﻴﺦ ذي ﻳﺴﻤﻊ ﻟﻤﻦ ﻛﺎن ﻋﺎﺑﺮ
ويكرم الوصال داخل دياره
اﻟﺸﻴﺦ ذي ﻳﻌﺮف ﺑﻜﻞ اﻟﻤﺨﺎﻃﺮ
من قبل ما توقع لذي هم جواره
اﻟﺸﻴﺦ ﻻ ﺟﺎه اﻟﻨﻜﻒ ﻣﻦ ﻣﺠﺎور
جاوب لقومه وأتجه في مساره
اﻟﺸﻴﺦ ذي يثأر ﻟﻤﻦ ﻛﺎن ﺛﺎئر
وينصف المظلوم ويأخذ بثأره
اﻟﺸﻴﺦ ذي أﺻﻠﻪ ﺑﻜﻞ اﻟﺪﻓﺎﺗﺮ
شيخ القبيلة من قديم الحضاره
اﻟﺸﻴﺦ ذي ﻓﺼﻠﻪ ﺑﻜﻞ اﻟﺒﺼﺎﻳﺮ
وكان جده قيل نسل العساره
اﻟﺸﻴﺦ ذي ﻣﺎﻫﻮ ﻣﻊ اﻟﻨﺎس ﻓﺎﺟﺮ
وأكبر همومه بس يعبي الغراره
اﻟﺸﻴﺦ ذي ﻣﺎﻫﻮ ﻣﻨﺎﻓﻖ وﻓﺎﺟﺮ
وذي يقول الحق في كل حاره
اﻟﺸﻴﺦ ذي يبقى للأيتام ذاﻛﺮ
وذي طباعه كلها هي ذكاره
اﻟﺸﻴﺦ يبقى ﻟﻠﻤﻨﻜﻒ ﻣﻨﺎﺻﺮ
وذي رجاله في الحرايب نماره
اﻟﺸﻴﺦ ﻣﺎ ﻳﺴﻤﻊ ﻟﻜﺎﻫﻦ وﺳﺎﺣﺮ
وﻻ ﻳﺼﺪق ﺷﺨﺺ ﻛﻠﻪ دﺑﺎره
اﻟﺸﻴﺦ ذي يبقى ﻋﻠﻰ اﻟﻨﺎس ﺳﺎﻫﺮ
وذي يعين الفرد لو جاء أستجاره
اﻟﺸﻴﺦ ذي ﻳﺒﺬل ﺟﻤﻴﻊ اﻟﺠﻮاﻫﺮ
لا شاف باطل من ذياب القفاره
اﻟﺸﻴﺦ ذي هو في اﻟﻤﻬﻤﺎت ﺻﺎﺑﺮ
ذي ما يهاب أعقابها والمكاره
اﻟﺸﻴﺦ ذي ﻣﺎﻫﻮ ﻋﻠﻰ اﻟﻨﺎس ﻣﺎﻛﺮ
وذي يقصر في المقايل هداره
اﻟﺸﻴﺦ ذي ﻳﻌﺮف ﺟﻤﻴﻊ اﻟﻤﺨﺎﺑﺮ
وكلمته كلمه أصيله وقاره
اﻟﺸﻴﺦ ذي يبقى ﻣﺸﻤﺮ وﻋﺎﺻﺮ
بجانب رجاله في سلا أو شجاره
اﻟﺸﻴﺦ ذي رﺑﻌﻪ رﺟﺎل اﻟﻤﻐﺎور
فالقوم عنده كنهم له إزاره
اﻟﺸﻴﺦ ذي ﻳﻮﻓﻲ وﻟﻮ ﻫﻮ ﻣﺴﺎﻓﺮ
وذي يفك اللغم قبل إنفجاره
اﻟﺸﻴﺦ ذي ﺟﻴﺸﻪ أُﺳﻮد اﻟﻜﻮاﺳﺮ
في وقت حربه ما تشوف إنكساره
واﻟﺸﻴﺦ إﺑﻦ اﻟﺸﻴﺦ ﻣﺎﻟﻪ ﻣﻨﺎﻇﺮ
منقوش أصله في قديم العماره
أﻣﺎ اﻟﻤﺸﺎﻳﺦ ﻋﺎﺷﻘﻴﻦ الكبائر
هولا مرض مُعدي سريع إنتشاره
ﻓﻤﻦ ﺗﺒﻌﻬﻢ ﻛﺎن ﻳﺎ ﻗﻮم ﺧﺎﺳﺮ
ما منهم غير البلاء والخساره
ﻫﻮﻻ ﻣﺸﺎﻳﺦ ﻓﺎﻗﺪﻳﻦ اﻟضماﻳﺮ
من يتبعهم بايشوف الدباره
لإن ﻣﺎ ﻓﻴﻬﻢ وﻻ ﺷﻴﺦ ﺳﺎﺑﺮ
ظومن يسايرهم غلط في قراره
اﻟﺸﻴﺦ ذي ﻫﻮ ﺷﻴﺦ بأول وآﺧﺮ
والقبيلة والعرف يابي ضماره
اﻟﺸﻴﺦ ﻃﻮل اﻟﺪﻫﺮ ﺣﺎﻣﺪ وﺷﺎﻛﺮ
ولا أظلمت صلى صلاة استخاره
.....................
.....................
وتحياتي
ليست هناك تعليقات